சத்தி சக்திதாசன்

விழிகள் மூட மறுத்ததின் காரணத்தை
விழிக்க ஓர் உண்மை உள்ளம் தேடி
கழிக்கும் ஒவ்வொரு கணமும் மனதின்
கனத்த நேரம்தான் அறிவாயோ

பழிக்கும் மனங்கள் யாவையும் ஏனோ
பழகும் வகையினிலே உண்மையில்லை
சுழித்து முகம் தனை தோழர் நோக்கும்போது
சுரக்கும் கண்ணீர் ஏழையர் தம் கண்களில்

வழிதோறும் அவர் விதிக்கும் சட்டங்கள்
வாழ்வின் வகையறியா மக்கள்தம் நெஞ்சில்
எழிற்கும் மானிட வாழ்க்கையை நோக்கி
ஏளனிக்கும் நிலை ஒன்று காணீர்

ஆழிபல தாண்டி நாம் ஆரதிக்கும் போதிலும்
அசையமறுக்கும் சில பழமை வாதங்கள்
நாழி பல கழித்து மெய்பு ரிந்திங்கு லாபமில்லை
நாடிய ஏழையர்தம் நலத்தைக் காத்திடுவீர்

ஊழி வினையாலிவர் வாழ்வு சிதைந்ததிங்கென்று
ஊனவாதங்கள் உரைப்பதை நிறுத்திவிட்டு
செழி நிலையொன்று கழிமனிதர் அடையும்வழி
செந்தமிழர் நாம் செம்மையாய் அமைத்திடுவோம்.
—————————
sathnel.sakthithasan@bt.com