புஷ்பா கிறிஸ்ரி

அகரத்தைத் தொடக்கிய ஆசான்
சிகரத்துக்கு ஏற்றிடும் ஆசான்
உயரத்தில் ஏற்றிவிடும் ஏணியாய்
உலகத்தைக் காட்டிடும் ஆசான்

வாழ்க்கையின் வசதிகள் காட்டி
வாழச் சொல்லிடும் வழிகாட்டி
வாழ்க்கைப் பாதையின் நெழிவுகளை
வலி தெரியாது விளக்கிடும் காரியவாதி

அறிவின்றி மங்கிக் கிடந்த பல
அறிவற்ற புத்திசாலிகளையும்
அறிவுள்ள பல சாலிகளாய்த் தீட்டி
அறிவு புகட்டிடும் திறமைசாலி

காலத்தின் முக்கியத்தினைக்
காரணம் காட்டியே தினம்
காலை மாலைக் கல்வியால்
காரியம் நிகழ்த்திடும் கலைவாதி

விடியலின் சுகத்தையும்
விதியின் சுரத்தையும்
விழிகளின் கண்ணீரையும்
விசாரித்து ஆற்றிடும் ஆசான்

pushpa_christy@yahoo.com